2018年11月7日 23:57
黑色線係主版沽空佔大市成交金額嘅百分比。一直以來都好穩定喺15%左右。
綠色線係QQ沽空佔總大市沽空金額嘅百分比，你可以見到呢兩個月升跌都比較大，2%-12%不等。
而橙色線係QQ沽空金額佔QQ成交金額嘅百分比，亦都比較大波幅最近亦去到高位20%，跟之前九月尾差不多。
最下邊藍色同紅色線分別係QQ平均沽空價，QQ收市價，對比9月7號嘅平均沽空價（$316.13）及收市價（$316.8）作累積比較。
如果淨係睇呢兩個月數據，大概可以作出兩個簡單嘅推測結論：
1. 今日嘅沽空比率即橙色線同綠色線跟九月尾非常相似。即係話QQ沽空對比起整體大市沽空嘅佔比去到近期高位，亦同時QQ整天成交額嘅大概20%係沽空交易。代表着大戶預期大市會下跌並利用沽空QQ來獲利。與九月尾唯一唔同之處就是今日之前差不多20個交易日， QQ累積左不少在現價還要低的淡倉（當然這個只是預計因為不排除有一大部份嘅淡倉已經在上兩個星期大跌嘅時候平倉了，這個我沒有資料）。
2. 似乎當橙色線高過黑色線嘅時候就係QQ大跌嘅開始，今次剛剛發生相同情况。加上絕大部份人預期反彈已經來臨，似乎要向下夾落去嘅可能性更加大增。
結論，大市向下回調至大概$270左右才真正開始熊二反彈嘅可能性比較高。筆者係認為會反彈的，因為實實在在整個大市已經累積了非常強大的反彈壓力。再三提醒小弟只是作了一些分析給大家作參考，並不主張大家作任何買賣。記緊若果你是買牛熊的千奇不要大注，今天下午就是一個好好的教訓。
